Навіны
08.01.2020
У Пінску судзяць абаронцаў незалежнасці Беларусі
 
У судзе Пінскага раёна і г. Пінска Суддзя Андрэй Бычыла пры сакратарцы Былінскай разгледзеў адміністратыўную справу грамадзкага актывіста Міколы Міхалевіча.
 

20 снежня знаходзіўся з плакатам побач з помнікам без дазвола гарвыканкама з плакатам супраць паглыбленай інтэграцыі…”

“Нават у самым страшным сне я не мог уявіць, што за абарону незалежнасці мяне будуць судзіць.
Унукі запыталі:
- Ты бандыт?
- Не.
- Калі ты не бандыт, то чаму табе судзяць?..
- Пратакол склалі – плакат трымаў…” – распавядаў у судзе Мікола Міхалевіч: “Парушальнікам закона я сябе не лічу. Улады не патлумачылі ў чым заключаецца сэнс інтэграцыі. Дзейнічалі патаемна. Гэта найгрубейшае парушэнне арт. 34 Канстытуцыі. Усведамляючы, што маёй Радзіме пагражае небяспека і кіруючыся Канстытуцыяй, у якой напісана, што Беларусь – унітарная дзяржава, а носбітам улады з’яўляецца Народ, а я частка Народа, я наўмысна і сведама ўдзельнічаў у акцыі пратэста.

Я быў перакананы, што на акцыю прыдуць гарацкія чыноўнікі. Але яны не выйшлі! Мяне гэта ўразіла. Чаму іх не хвалюе, што наша Беларусь стане губерніяй Расеі?!

Я лічу, што мае дзеянні 20 снежня былі законнымі, а абарона незалежнасці з’яўляецца правам і абавязкам кожнага грамадзяніна Беларусі. Гэта прапісана ў Канстытуцыі.”

Мікола Міхалевіч хадайнічае прыцягнуць аддзел ідэалогіі Пінскага гарвыканкама і Міністэрства замежных спраў да адказнасці за тое, што яны парушылі арт. 34 Канстытуцыі, чым штурхнулі яго выйсці з плакатам у абарону незалежнасці Беларусі.

Суд хадайніцтва адхіліў.

Сведкамі ў судзе былі вучастковыя Пінскага ГАЎС Аляксандар Фрыдрыхзберг і Максім Віклянчук: “Пратакол склалі 27 снежня паводле ч.1 арт 23.34 КаАП – плакат трымаў…”


У форме Максім Віклянчук, у цывільным Аляксандар Фрыдрыхзберг

Пасля перапынку а 14-ай гадзіне суддзя Андрэй Бычыла агучыў рашэнне суда: “10 базавых паводле ч.1.арт23.34 КаАП”

Нагадаем, 9 студзеня ў судзе Пінскага раёна і г.Пінска прызначаны чарговая судовая разбіральніцтвы па справах абаронцаў незалежнасці.

У 9:15 будуць судзіць грамадзкага актывіста Зміцера Тарасюка.

У 11:00 будуць судзіць  грамадзкую актывістку Таццяну Кебікаву.


Пінчукі не буддзце абыякавымі – прыдзіце і падтрымайце!