Архіў навінаў
21.12.2012 Грамадства
Галоўны трэнер брэсцкага ФК “Вікторыя-86” загруз у судах

Спярша з яго спагналі грошы футбалісткі, цяпер прыйшла чарга супрацоўнікаў.
 
Былая бухгалтарка Ірына К. судзіцца з Георгіем Дарбуашвілі за нявыплачаны ў 2011 годзе заробак за чатыры месяцы.
 
Бухгалтарка: "Чалавеку надакучылі, ён папрасіў — мы сышлі, але ж ён да гэтага часу з намі не разлічыўся. Казаў, грошай няма. Але я грошы разлічыла — у нас іх да канца года хапала… Я толькі на гэтай працы працавала, у штаце… Пагатоў што ў яго нічога не было. Мой камп'ютар, маё абсталяванне. Калі што ламалася — сама рамантавала".
 
Са словаў Ірыны, суды ўжо задаволілі 11 пазоваў футбалістак да галоўнага трэнера. За гэта ён амаль усіх звольніў і набраў новы склад.
 
Сам Дарбуашвілі не адмаўляе, што даводзіцца шмат судзіцца. Аднак ён лічыць, што не вінен грошы. На прайграны суд па іску бухгалтаркі падаў касацыю ў абласны суд.
 
Дарэчы, сёлета “Вікторыя-86”, калісьці лепшы беларускі клуб, заняла ў першынстве краіны перадапошняе месца.
 
Георгій Дарбуашвілі вядомы тым, што на апошніх прэзідэнцкіх выбарах яшчэ да пачатку агітацыі апрануў дзяцей у футболкі з выявай Аляксандра Лукашэнкі і вывеў на стадыён перад матчам галоўнага клуба "Дынама" (Брэст).
 
euroradio.fm/report/galouny-trener-bresckaga-fk-viktoryya-86-zagruz-u-sudah-126176">http://euroradio.fm