Архіў навінаў
12.12.2015 Грамадства
У Берасці святкавалі Нобеля
 
Нацыянальнае тэлебачанне Беларусі не вяло прамой трансляцыі з цырымоніі ўзнагароджання лаўрэатаў Нобелеўскай прэміі, таму частка берасцейцаў вырашыла арганізаваць супольныя прагляды як мінімум на трох пляцоўках горада.
 
Дзве з іх, агенцтва “Дзедзіч” і “Прастора тэатру Крылы Халопа”, у дадатак далучліся і да флэшмобу “#нобельразам”. Падрабязней кажуць самі ўдзельнікі ўрачыстасцяў абедзьвюх пляцовак:
 
– Яшчэ два тыдні таму да нас завітаў Міхал Анемпадыстаў. Ён распавёў пра тое, што будзе флэшмоб #нобельразам. Мы адразу вырашылі далучыцца. Бо гэта сапраўды знакавая гістарычная падзея. Мы вырашылі глядзець гэтую трансляцыю разам і зрабіць для сябе такое свята.
 
– Люблю, калі збіраюцца інтэлігентныя людзі. Гэта была выдатная нагода, каб прыйсці сюды і паглядзець уручэнне Нобелеўскай прэміі Святлане Алексіевіч.
 
Апроч некамерцыйных культурніцкіх пляцовак гораду, трансляцыя ўзнагароджання вялася і ў папулярным сярод моладзі Берасця грыль-бары “KOROVA”. Жадаючыя пакідалі Святлане Алексіевіч адмысловыя віншаванні, паштоўкі і нататкі ў адмысловыя скрыні. Гэта безумоўна свята, бо невядома ці пабачым пры жыцці яшчэ такую падзею з удзелам грамадзян нашай краіны, – зазначылі арганізатары супольных праглядаў.
 
http://www.racyja.com