Навіны
01.09.2017 Грамадства
1 верасня ў беларускім класе Берасця
 
У Берасці прайшлі школьныя лінейкі і першыя заняткі. Не абмінуў Дзень ведаў і адзіны беларускамоўны клас школы № 29, што ў Маскоўскім раёне Берасця.
 
">http://brestspring.com
Гэты клас існуе ўжо не першы год і мае назву 7 “Г”:
 
– Нам падабаецца вучыцца, падабаецца тое, што клас невялікі, усе прадметы на беларускай мове.
 
– Мне таксама падабаецца, што кожны ўрок як факультатыў. Кожнаму асобна тлумачаць, таму ўсе атрымліваюць больш ведаў.
 
– Мне падабаецца вучыцца на беларускай мове, бо гэта наша родная мова і мы павінны размаўляць на ёй.
 
– Мне падабаецца, бо гэта ў нас як асобны факультатыў.
 
Усяго ў класе чацвёра вучняў і цягам года гэтая лічба не змянялася. У сваю чаргу дырэктар 29 школы Сяргей Саўчук паведаміў, што заяваў на беларускую мову навучання ад бацькоў сёлета не было. Некаторыя з бацькоў вучняў беларускамоўнага класа лічаць, што гэтую інфармацыю праверыць цяжка.
 
https://www.racyja.com/hramadstva/1-verasnya-u-belaruskim-klase-berastsya/